Lehre

Lehron mein doobte rahe dariya nahin mila

Usse bichhad key phir koi waisa nahim mila

Kuchh log thodi der to achchhe lage magar

Ham jiske ho saken koi aisa nahin mila

Wo bhi bahut akela hai shayad meri tarah

Usko bhi koi chaahne wala nahin mila

Do chaar din to kitne sukun se guzar gaye

Sab khairiyat rahi koi apna nahin mila

Tum

Jab saawan mein tanha bhego gay

Jab aangan khaali paao gay

Jab saahil se takraati lehron mein

Apni tanhaai mein kho jaao gay 

Jab raat ke tanha daaman mein 

Tum chaand ko aadha paao gay 

Jab khud se baatein kartey kartey 

Tum door kahin kho jaao gay 

Jab dil ki baat chupaane ko 

Hum se nazar tum churaao gay 

"Main tum se mohabbat karti hoon" 

Harr baar yeh sun_na chaaho gay 

Inn sab lamhon mein jaan lena ke 

"tum, tum nahi "HUM" ban jaao gay

Talash

Log Mujh Se Mil Kar Bichher Jate Hain 

Is Liye Main Logon Se Door Rehti Hon

Mat Samjho Ke Aate Nahi

Adaab-E-Mulaqaat Mujhe

Khaloos Ka Banda Hon Aadat Se Majbor Rehti Hon

Jin Se Barha Mera Rabta Gham He Mila

Ab Raabte Nahi Barhati Bohat Masroof Rehti Hon

Log Mujhe Kehte Hain Be-Murawat Aur Khud Gharz Farebi

Dekho Main Kitne Ache Naamon Se Mash-hor Rehti Hon

Her Waqt Khoi Rehti Hon Khud Ki Talaash Mein

Bohat Thak Gai Hon Ghamon Se Choor Rehti hon.

Meanings:

Khaloos- Bina dikhave ki mahobat

Rabta- Connection

Pyar

                                         

Chahe Mujrim Samjhe Ya Koi Gunahgaar Hamein

Saaf Kehte Hain K Ek Shakhs Se Hay Pyar Hamein

Dil Dia Hay Kisi Ko To Mukarna Kesa

Pyar Kia Hay To Halaat Se Darna Kesa

Apne Is Jurm Ka Iqrar Hay So Baar Hamein

Saaf Kehte Hain K Ek Shakhs Se Hay Pyar Hamein

Humne Maana K Hamein Jaan Se Jaana Hoga

Jaan De K B Hamein Pyar Nibhana Hoga

Lo Suno

Tark-e-Mohabbat Se Hay Inkaar Hamein

Saaf Kehte Hain K Ek Shakhs Se Hay Bohat Pyar Hamein.

Log

Hanste hain yunhi hans k rula jate hain log,

Milten hain yunhi mil k juda ho jate hain log,

Pal 2 pal ko umar bhar ka sath na samjho,

Mohabbat bhi karte hen khafa bhi ho jate hain log,

Qaidi hain najane kin kin majboriyon k,

Kar k izhar-e-mohabbat beparwa ho jate hain log,

Nasib me tha hi nahi jo hum ko mila nahi,

Mohabbat ki aarr me chupke se zehar pila jate hain log,

Ab kis se shikwa karen apni qismat ka MUDDASIR,

Kar k wafa k waday bewafa ho jate hain log,

Ehsas

Apnay ahsaas say choo kar mujhay sandal kardo

Main kay sadyoon say adhora hoon mukammal kar do

Na tumhain hosh rahay aur na mujhay hosh rahay 

Is qadar toot kay chaho mujhay Pagal kar do

Tum hathaylii ko mairay piyaar ki mahandi say rango

Apni aankhoon main mairay naam ka kaajal kar do

Uskay saa'ey main khwaab dahak uthaingay

Mairay chahray pay mahakta hova Aanchal kar do

Dhoop hi dhoop hoon main toot k barso mujh per

Is qadar barso mairii rooh main jhal thal kar do

Taluk

Main sun kay iski sab baatein

faqat itna hi kehti thi

khafa hona, mana leina

yeh sadiyoon se riwayat hai

muhobbat ki alamat hai

giley shikwey karo mujhse

tumhein Janaa ijazat hai

magar ik baat meri yaad rakhna tum

Kabhi aisa bhi hota hai

Hawayen rukh badalti hain

Khizayen laut jati hain

khafa hona bhi mumkin hai

Khata hona bhi mumkin hai

magar haath se daaman 

kabhi ch'oota nahi karte

hamesha yaad rakhna tum

taaluk rooth janay se

kabhi toota nahi karte